ఖమ్మం పిండిప్రోలులో గోల్డ్ గ్యాంగ్ కలకలం: మహిళ హత్య, బంగారం దోపిడీ
వరస దాడులతో గ్రా
మస్తుల ఆగ్రహం – “దమ్ముంటే పట్టుకోరా” అంటూ పోలీసులపై నినాదాలు
ఖమ్మం వాణి | తిరుమలాయపాలెం | జూలై 18 :
ఖమ్మం జిల్లా తిరుమలయపాలెం మండలం పిండిప్రోలు గ్రామంలో అర్ధరాత్రి మరో రక్తపాతం చోటుచేసుకుంది. ఖమ్మం-వరంగల్ NH పక్కన ఉన్న ఇంట్లోకి చొరబడిన అనుమానిత “గోల్డ్ గ్యాంగ్” దుండగులు చెన్న జనార్ధన్ భార్యను గొంతు కోసి హత్య చేసి, నగదు, బంగారాన్ని దోచుకెళ్లారు.
ఘటన వివరాలు: శుక్రవారం అర్ధరాత్రి ఇంటి తలుపులు పగలగొట్టి లోపలికి వచ్చిన దుండగులు, ఇంట్లో ఒంటరిగా ఉన్న మహిళను కిరాతకంగా హతమార్చి పరారయ్యారు. ఉదయం గ్రామస్తులు గమనించి వెంటనే పోలీసులకు సమాచారం అందించారు.
దొంగల సవాల్ – ఇది 4వ దాడి: స్థానికుల ఆరోపణ ప్రకారం గత కొన్ని నెలలుగా పిండిప్రోలు, చుట్టుపక్కల గ్రామాల్లో రాత్రిళ్లు వరస దాడులు జరుగుతున్నాయి. ఇళ్లలోకి చొరబడి బంగారం ఎత్తుకెళ్తున్న ఈ ముఠాకు గ్రామస్తులు “గోల్డ్ గ్యాంగ్” అని పేరు పెట్టారు. ఇది వారి 4వ దొంగతనం/దాడిగా స్థానికులు చెబుతున్నారు. “మ్మల్ని పోలీసులు పట్టుకోలేరు” అన్నట్టు దొంగలు రెచ్చిపోతున్నారని, నెలలు గడుస్తున్నా ఒక్క కేసు కూడా ఛేదించలేదని గ్రామస్తులు మండిపడుతున్నారు.
గ్రామస్తుల ఆగ్రహం: ఘటన తెలియగానే గ్రామస్తులు రోడ్డెక్కి ఆందోళన చేశారు. “వరస ఘటనలు జరుగుతున్నా ఇంతవరకు ఒక్కరిని కూడా పట్టుకోవడం చేతకావట్లేదు” అంటూ పోలీసులపై తీవ్ర ఆగ్రహం వ్యక్తం చేశారు. “దమ్ముంటే ఈ గోల్డ్ గ్యాంగ్ ని పట్టుకోరా పోలీసో” అంటూ నినాదాలు చేశారు. ప్రస్తుతం గ్రామంలో ఉద్రిక్తత నెలకొంది.
పోలీసుల దర్యాప్తు: సమాచారం అందుకున్న తిరుమలయపాలెం SI సిబ్బంది ఘటనా స్థలానికి చేరుకుని పరిశీలించారు. ఖమ్మం నుండి *క్లూ టీమ్స్, డాగ్ స్క్వాడ్ మరియు బ్యాకప్ టీమ్స్* కూడా వస్తున్నట్లు సమాచారం. ఆధారాలు సేకరించి ప్రత్యేక బృందాలతో దర్యాప్తు చేస్తున్నామని పోలీసులు తెలిపారు.
పోలీసుల అప్రమత్తత:వరస దాడులతో ప్రజల్లో భయాందోళన నెలకొంది. రాత్రిపూట ఒంటరిగా ఉండవద్దని, అనుమానితులను చూస్తే వెంటనే 100కి సమాచారం ఇవ్వాలని పోలీసులు సూచించారు.
గమనిక: _”గోల్డ్ గ్యాంగ్” అనేది స్థానికులు పెట్టుకున్న పేరు. ఇది అధికారిక పేరు కాదు. ఇది స్థానిక సమాచారం ఆధారంగా రూపొందించబడింది. పోలీసుల అధికారిక ప్రకటన కోసం వేచి ఉండాలి.
About the Author
