బచ్చోడులో రోడ్డు ప్రమాదం: కుమ్మరి కుంట్ల పుల్లయ్య పరిస్థితి విషమం, కోమాలోకి
తిరుమలాయపాలెం, జూన్ 20 (ఖమ్మం వాణి):
తిరుమలాయపాలెం మండలం బచ్చోడు గ్రామ శివారులో శుక్రవారం జరిగిన రోడ్డు ప్రమాదంలో గాయపడిన వ్యక్తి పరిస్థితి విషమంగా మారింది.కుమ్మరి కుంట్ల పుల్లయ్య (45) ఈ ప్రమాదంలో తీవ్రంగా గాయపడ్డాడు. పుల్లయ్యకు భార్య, ఒక పాప, ఒక బాబు ఉన్నారు.ప్రమాదం జరిగిన వెంటనే స్థానికులు పుల్లయ్యను ఆసుపత్రికి తరలించారు. ప్రస్తుతం ఆయన ఓ ప్రైవేట్ ఆసుపత్రిలో చికిత్స పొందుతున్నాడు. అయితే గాయాల తీవ్రత కారణంగా పుల్లయ్య కోమాలోకి వెళ్లిపోయినట్లు వైద్య వర్గాలు తెలిపాయి. ఆయన ఆరోగ్య పరిస్థితిపై పూర్తి వివరాలు వైద్యులు త్వరలో వెల్లడించనున్నారు.శుక్రవారం బచ్చోడు శివారులో బోలోరా బైకును ఢీకొట్టడంతో, ఈ ప్రమాదం చోటుచేసుకుంది. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.ఈ ప్రమాదం కారణంగా బచ్చోడు ప్రధాన రహదారిపై కొంతసేపు ట్రాఫిక్కు అంతరాయం ఏర్పడగా, స్థానికుల సహకారంతో రాకపోకలను పునరుద్ధరించారు.పుల్లయ్య కుటుంబ సభ్యులు ఆందోళనలో ఉన్నారు.
“ఖమ్మం జిల్లా తిరుమలాయపాలెం మండలంలో జరిగిన రోడ్డు ప్రమాదంలో ఒక వ్యక్తి తీవ్రంగా గాయపడి కోమాలోకి వెళ్లినట్లు సమాచారం. జిల్లా సంబంధిత వివరాల కోసం ఖమ్మం జిల్లా అధికారిక వెబ్సైట్ను సందర్శించవచ్చు.”
About the Author
